Пролетта е вистинско време за сеење тиква и во саксии и во градината. Меѓутоа, кога се сее семе во градината, земјата во пролет не е доволно загреана, што може да доведе до многу долго ‘ртење на семето, а понекогаш дури и да не изрти.
Тиквите сакаат топлина
На тиквите им е потребна висока температура за ‘ртење, па затоа е потребно сеењето малку да се одложи, најдобро до средината на мај.
Ако сакате порано да го посеете, најдобро е да се посее во саксии што ќе ги чувате во затворен простор. На тој начин, растенијата ќе созреат до 15 дена порано во однос на класичните видови што се сеат во градината.
Дулек тиква за пити
Многу познат вид тиква е зимската тиква т.н. дулек или печенка. Тоа е вид што традиционално се одгледува за подготовка на десерти, а најмногу за пити. Во последно време, различни видови тикви се користат при готвење на разни јадења. Тиквата дулек содржи големи количини шеќер, а семките се вистинска енергетска бомба.
Кога садите ваков вид тиква, потребно е да се обезбеди просторно место каде што ќе се одгледуваат.
Сеењето е многу едноставно. Семето е многу големо и може да се сее во саксии по две или три семки. Подоцна се преместуваат во градината, каде што ќе растат и ќе дадат голем број плодови.
Тиквите сакаат топлина и квалитетна подлога, а по бербата може да се чуваат и до 6 месеци.
Мускатна тиква – отпорна на гниење
Мускатната тиква е сорта која исто така се користи во исхраната. Семките од мускатната тиква се малку помали од семките од дулек. Таа е многу отпорна на гниење, така што може да се посее директно во градината дури и кога времето е постудено.
Не бара многу простор за одгледување, но почва богата со хранливи материи е неопходна за нејзино одгледување.
Украсна тиква
Украсната тиква може да се одгледува не само како градинарски вид, туку може да се чува во саксија во домот или во градината. Овој вид припаѓа на ползавците, па може да биде добра за сенка ако се одгледува на тераси.
Оваа тиква може да се посее со директно сеење во саксија во текот на април, по што ќе изрти по 7 дена. Првите плодови ќе се појават во јуни и јули. Бара многу вода и сонце. Плодовите подоцна може да се исушат и да се користат како украс.
Сеидба на тикви
Кога сеете семе од која било од горенаведените тикви, потребно е да се подготви квалитетна подлога. Секако – хумус, и ако е можно прегорено ѓубре во кое ќе ставите околу три семки кои ќе ‘ртат.
Сеењето семе од тиква е многу едноставно и се врши со поставување на семето на длабочина од 2-3 см. Семките се прилично големи и бараат многу влага за да може да изртат. Веќе по 15 дена, ќе ги имаме првите котиледони што ќе се појават над саксијата. Потребно е да се почека две или три недели за растението да го формира првиот вистински лист, и тогаш е вистинско време да се пренесе во градината каде што треба да се сади.
Пролетта е вистинско време за сеење тиква и во саксии и во градината. Меѓутоа, кога се сее семе во градината, земјата во пролет не е доволно загреана, што може да доведе до многу долго ‘ртење на семето, а понекогаш дури и да не изрти.
