Кога ќе засадите младо лозје, следна важна фаза е ѓубрењето, бидејќи младото лозје бара многу.
На младото лозје му се потребни многу разградливи материи за да го формира својот максимален потенцијал. Ова мора да се направи доколку е изоставено мелиоративното ѓубрење или ѓубрењето при садење. Бидејќи виновата лоза во оваа фаза покажува голема потреба за азот, азотни ѓубрива се внесуваат во повеќе наврати поради поефикасно искористување. Првото внесување го вршиме пред вегетацијата на лозата, следното внесување е кога ластарите ќе достигнат должина од 10-15 см, советува Сузана Јеркиќ, дипломиран инженер.
Во текот на првата година корисно е азотното ѓубриво да се нанесува во 2-3 наврати.
Во втората година се извршува во два наварати и тоа пред почеток на вегетацијата, вториот пат кога ластарите ќе достигнат должина над 1 метар.
Во третата година првото нанесување на ѓубривото е пред поечток на вегетацијата, второ нанесување е пред цветање, додека третото се врши 20-35 дена по второто нанесување.
Ѓубривото најчесто се расфрла по површина на земјиштето околу лозата, а потоа со плуг или со култиватор се затрупува. Ефикасноста на ѓубрењето е поголема ако преку дистрибутер се уфрла во земјиштето на длабочина од 10-15 см.
Покрај тоа ѓубривото може да се внесе и во течна состојба со помош на инјектори. Внесувањето со нивна помош е поефикасно, бидејќи растворот од минерални ѓубрива се уфрла под притисок непосредно во зоната на дејствување на коренот. Концентрацијата на течни ѓубрива не смее да надмине граница од 1.5%. Во втората и третата година најдобро е да се наѓубрува со комбинирани минерални ѓубрива.
Просечните количини по 1 хектар би требало да бидат:
Азотни ѓубрива 100-250 кг/ха,
Фосфорни ѓубрива 300-500 кг/хa,
Калиумови ѓубрива 200-300 кг/хa.
Извор: agroinfonet.com
