Многу домаќинства кои имаат своја градина во некој момент доаѓаат на идеја да подигнат пластеник.
Во суштина оваа идеја и не ви е нималку лоша или напротив – благодарение на пластеникот можете да уживате во омилените домашни производи преку цела година, независно од временските случувања надвор.
Сепак , за добар пластеник не е важно да се избере само добар најлон за пластеник, туку овде има уште неколку важни прашања и теми за размислување за кои треба да се води сметка.
Да почнеме со ред:
Колкав треба да биде пластеникот?
Одговорот на ова прашање ќе зависи од домаќинство до домаќинство, односно, одговорот на ова прашање најпрво ќе го знаете вие. Големината на пластеникот ќе зависи од површината на земјиштето со кое располагате а секогаш се советува површината на земјиштето да биде многу поголема од површината на пластеникот за да се остави простор за евентуални проширувања на самиот пластеник.
Доколку имате на располагање поголема површина на земјиште , веќе на самиот почеток можете да го испланирате секој нареден чекор, па дури и проширување на на пластеничкото производство кое ќе дој е нешто подоцна, лесно можете да испланирате и да ги вклопите сите системи на инфраструктура, нивната положба и слично.
Не е задолжително после некое време да ја зголемите површината на својот пластеник бидејќи тоа зависи од вашите желби, потреби но и финансии, меѓутоа праксата покажува дека сокоро секој кој подигнал пластеник после извесен период истиот го проширил.
Ако и понатаму ве интересира оптималната површина на пластеникот,пресметката е следна: за пластеници кои се користат како семеен бизнис а во кој се ангажирани сите членови на семејството без ангажирање на работници од страна,оптималната површина би била 4000 метри квадратни.
Доколку пак пластеникот го користите не само за ваши лични потреби туку и за настап на пазарите со квалитет кој одговара, квантитет и континуитет, ќе ви биде потребна површина од најмалку 50.000 метри квадратни.
Кога станува збор за трошоците при поставуавње на пластеник , инфраструктурата за површина од 5 ха е иста како за површина од 1 ха ,така да трошоците за изградба по метар квадратен се многу помали кај поголемите објекти.
Која е пропратната инфраструктура?
Како што рековме пластеникот не го сочинуваат само најлоноти неколкуте столбчиња. Овде има уште многу ситници за кои треба да се води сметка за добро да функционира целокупнито систем. Важно е да постои водовод или бунар со вода бидејќи наводувањето за секој пластеник е клучно како и постоење на извор за електрична енергија.
Околу самиот пластеник е потребно да се осмисли и да се спроведе мрежа на патишта и тоа „валкани “ патишта за влез на суровината како и „чисти“ патишта за излез на готовиот производ.
Ова е од исклучителна важност доколку произведувате на големо и неопходно е да ги испочитувате процедурите на производство за здрава и исправна храна. Поентата е патиштата да бидат така поставени да може да му се приоѓа од сите страни.
Исто така е важна уште една работа – околу пластеникот е пожелно да се постават одредени јами или канали во кои ќе се собира водата од атмосферските врнежи. Оваа вода претставува најквалитетна вода за наводнување а за таа да се собира, каналите и јамите мораат да бидат обложени со фолија.
На површината која е предвидена за подигање на пластеник мора да се предвиди и место за трафостаница , агрегат, котларница а притоа да се води сметка ниеден од овие елементи да не смета на самиот пластеник.
