Шпанија е една од земјите-членки на ЕУ што се грижи за депопулација на руралните области, а Европската комисија ја поддржува во тоа. Комисијата, во соработка со Организацијата за економска соработка и развој (ОЕЦД) во рамките на Програмата за поддршка на структурните реформи (ЈСРС), сега Инструмент за техничка помош, започна проект под наслов „Стратешки план за управување со рурална депопулација на макрорегиони во југозападна Европа (РЕСОЕ)“.
Во последните децении, регионите Астуриас, Кантабриа, Кастилја и Леон и Галиција се соочија со силна рурална депопулација, вработувањето е концентрирано во урбаните центри, а населението во селата започна да „старее“.
Со оглед на нивните заеднички карактеристики, овие четири региони во Шпанија ги здружија силите за да развијат заедничка стратегија за борба против депопулацијата. Проектот има за цел, како што е наведено во соопштението на ЕК, „Да развие хоризонтален акционен план со заедничкии координиран пристап за решавање на демографскиот пад, со препораки за развој на подобри политики“.
Предност ќе имаат темите клучни за руралниот развој, а тоа се квалитетот на испораката на услуги, дигитализацијата, управувањето, стратегијата и спроведувањето, како и социјалното претприемништво и иновациите.
Патем, оваа програма им нуди на сите земји од ЕУ можност, да спроведат реформи за стимулирање на растот на населението, така што од 2017 година, програмата поддржува повеќе од 1.000 реформски проекти во сите 27 земји-членки.
Исто така и Австрија работи на намалување на депопулацијата во руралните области. Да потсетиме, таа земја има најголем процент на млади земјоделци во ЕУ. Од нив 12% имаат помалку од 35 години, што е значително над просекот од 5,1% .
Главната причина за тоа е политиката на таа земја, која ги поддржува младите да купуваат земјиште од сопственици со кои не се поврзани. Исто така, тука се и нивните ниски цени, а една четвртина од младите се свртија кон органското производство.
Интересен пример е регионот Молизе во Италија, кој одлучи да привлече жители нудејќи 700 евра месечно за три години на секој што ќе реши да живее во некое од неговите села, што на крајот таа сума ќе изнесува 25.200 евра. Условите се дека местото мора да има помалку од 2.000 жители, а „новиот сосед“ мора да започне некое производство или да старува компанија.
Да потсетиме, дека неодамна, претседателкатана ЕК, Урсула фон дер Лајен, во својот говор истакна дека дигитализацијата на земјоделството е огромна можност и предуслов за ревитализација на руралните области. Кога ќе се воведат широкопојасни врски со голема брзина во овие области, ќе биде можно да се искористи нивниот потенцијал и да се привлечат повеќе луѓе, како и инвестиции.
Ова ќе го направи домашното земјоделство поконкурентно и одржливо. Затоа е важно да се согледа дигиталната иднина, бидејќи приходот на идните земјоделци ќе зависи од тоа секој ден сè повеќе.
Извор: Агроклуб
