Вестите за научните и технолошките достигнувања во виснката индустрија се почесто пристигнуваат од Австралија. Една од нив ја пренесе Decanter, кој наведува дека научниците од универзитетот во Аделајд, со помош на техника позната како флуоросцентна спектроскопија, покажале дека имаат можноста брзо и едноставно да го утврдат географското потекло на виното.
Накратко – секое вино има свој„ отпечаток од прст “, а во истражувањето објавено во списанието Food Chemistry е покажано дека отчитувањето на тој отпечаток од прст во голема мера спречува продажба на фалсификати на познатите и скапи вина.
Во текот на испитувањето, научниците со оваа метода успеале со точност од 100 % да го утврдат потекло на три вина од различни региони на Австралија, како на и едно вино од Бордо.
-„Методот го отчитува „отпечатокот од прстот“ на примерокот, т.е присуството на извесни флуоросцентни соединенија карактеристични за различните типови на вино“ – изјави за Декантер, Рухира Ренавира, докторант и член на тимот кој ја спровел студијата.
– „Кога ова аметода се комбинира со робустната анализа на податоци со помош на алгоритам за машинско учење, таа станува моќна техника за утврдување на потеклото на виното“, наведува таа.
„Конечна цел е идентификација на конкретните хемиски маркери за голем број вински региони“, вели професорот Дејвид Џефри, раководител на проектот.
– „ Се надеваме дека собраните податоци ќе успееме да ги искористиме за да ги дефинираме молекулите кои се карактеристични за вината од различни региони“ – вели Џефри, кој се надева дека оваа метода би можела да стане важна алатка за дефинирање на идентитетот на светските вински региони.
Извор: Агроклуб
