Доматите, кромидот и морковот сочинуваа скоро половина од количеството на зеленчукот одгледуван во Европската унија во 2020 година. Нивното производство достигна 59,53 милиони тони, но сепак е за еден процент помалку од претходната година, пишува fruveb.hu.
Сепак, резултатите се различни за секоја земја-членка на ЕУ и за секој производ. Така, во водечката земја, Шпанија, приносите паднаа за речиси пет проценти во споредба со претходната година. Таму главно беше намалено производството на кромид и домати, што значително влијаеше на вкупното производство на зеленчук во ЕУ. Сепак, минатата година беа собрани повеќе пиперки, модри патлиџани и зелка.
Расте производството на пиперки, модри патлиџани и тиквички
Во ЕУ најмногу се одгледуваат домати, но поголем удел на пазарот имаат оние кои служат за преработка. Водечка земја во производството на оваа култура е Италија, каде минатата година беа собрани дури 5,2 милиони тони индустриски домати. Следува Шпанија, но таму неповолните временски услови и помалата побарувачка го намалија производството. Производителите таму собрале 22 проценти помалку отколку во 2019 година.
Португалија е на третото место, а претходната година беше полна со предизвици за тамошните одгледувачи на зеленчук. На почетокот на сезоната, раните сорти дадоа помал принос и имаше потешкотии со капацитетите за преработка. Иако минатата сезона не беше добра за тие три земји, тие сепак имаат поголеми очекувања оваа година.
Соодветно на тоа, избираат избираат да посеат други култури. Пиперката е една од најпопуларните, а за разлика од доматите, таа бара помалку работна сила, па затоа трошоците се пониски. Кај доматите има проблем и со увозот, а европските земји не можат да се натпреваруваат со цената на мароканската стока. Во исто време, стапката на самостојност во нордиските земји расте со развојот на технологијата.
Што се однесува до производството на кромид, тоа беше 6,2 милиони тони, што е за околу пет проценти помалку од рекордот во 2019 година. Шпанија најмногу придонесе за тоа , но во 2020 година производството беше помало и за овој поуларен зеленчук. Во некои земји, собраната количина стагнира, а во некои дури и се зголеми.
Треба да се напомене дека од 2019 година, Германија е главниот производител на моркови во ЕУ. Што се однесува до зголемувањето на производството во сите земји, тоа се пиперки, модар патлиџан и тиквички. Исто така имазголемување и кај лукот и спанаќот, но тоа не е случај со празот, ендивијата и артичоките.
Извор: Агроклуб
