Студентскиот парламент на ФИНКИ организира презентација во рамки на проектот ReFRESH: Agriculture & Tourism – студентски хакатони каде студенти од неколку ИКТ факултети, земјоделство и туризам, изминатите неколку месеци работеа заедно за да понудат дигитални решенија применливи во секторите земјоделство и туризам.
Презентација кој ќе се одржи онлајн на 20.04.2021 (вторник) во периодот 11:00 – 12:00 часот.
На настанот, двата тима ќе ги презентираат дигитални решенија од областа на земјоделство и туризам, а учесниците на настанот ќе можат да дадат важен придонес со сугестии за подобрување на демо верзиите на решенијата, но и понатамошна соработка со тимовите за користење на овие или други дигитални алатки во вашата работа.
- Победничкиот тим од агробизнис секторот ќе презентира платформа на која ќе се најдат информации за домашните автохтони семиња, каде можат да се најдат, како и можноста за продавање на нивните производи. Ќе има и секција и за повеќе видови семиња и продукти понудени до компаниите кои откупуваат на големо и до крајните корисници т.е консументите.
- Победничкиот тим од туризам секторот ќе презентира платформа на која ќе можат да се објавуваат тури од туроператори преку која ќе се промовираат убавините на нашата држава. Исто така, ќе има и можност за организирање на тури во странство. Иновативноста во оваа платформа е во тоа што при резервирање на дадена тура, сите компании и лица кои се ангажирани за реализација на турата веднаш ќе бидат известени за агендата, бројот на посетители и слично.
Главен организатор на оваа активност е Студентски парламент на ФИНКИ, во соработка со Факултетот за информатички науки и компјутерско инженерство (ФИНКИ), Факултетот за информатика при УТМС, Факултетот за земјоделски науки и храна и Факултетот за туризам при УТМС. Активноста се реализира со поддршка на Швајцарската агенција за развој и соработка, преку Програмата за зголемување на пазарната вработливост – ИМЕ.
Повеќе информации за настанот: https://www.facebook.com/events/185809760050135/
