Сања Лукаревска на виртуелен семинар ,,Трансформирање на даночните администрации: патоказ за целосна дигитализација и предизвици за имплементација“

Сања Лукаревска, директорка на Управата за јавни приходи, на покана од Светска банка денес во својство на панелист учествуваше на третиот виртуелен семинар на тема ,,Трансформирање на даночните администрации: патоказ за целосна дигитализација и предизвици за имплементација“.

„Пред присутните ги претставив предизвиците со кои се соочуваме во процесот на дигитализација, постојниот ИТ систем, воведувањето на новиот ИДИС како и техничката помош која ја добиваме од меѓународните развојни партнери.

Образложени беа тековните реформи и иницијативи насочени кон промовирање на доброволното оданочување, подобрување на ефективноста на услугите на обврзниците и подобрување на деловното опкружување.

Нашата мисија е да обезбедиме интегрирана ИТ средина која целосно ја поддржува деловната стратегија на УЈП и е во согласност со меѓународните стандарди.“, напиша Лукаревска на својот фејсбук-профил.