Според Игор Павенски, главен аналитичар во аналитичарскиот центар „Русагротранс“ Русија би можела да собере вкупно 127,5 милиони тони жито, што би била една од најбогатите жетви во земјата.
Според извештаите на Министерството за земјоделство на Соединетите држави (USА), се очекува дека производството на жито во Русија оваа година ќе достигне најголем досега измерен резултат, бидејќи производството на пченица достигнува дури 78 милиони тони.
Имено според нив прогнозата за јули е за 1,5 милиони тони (без Крим), со појаснување дека оваа година се очекува извоз на руската пченица за дополнителни 1,5 милиони тони, на севкупно 37,5 милиони. Во исто време, прогнозата за глобално производство на оваа житарица во сезоната 20/21 е намалена за скоро 3,5 милиони тони.
Аналитичарите очекуваат поголемо производство
Руските аналитичари, очекуваат дека жетвата на пченицата во оваа земја ќе порасне најмалку за три милиони тони, наведува Russia Today. Според Игор Павенски, главен аналитичар во аналитичарскиот центар „Русагротранс“, Русија би можела да собере вкупно 127,5 милиони тони жито, што би била една од најголемите жетви во земјата и втора по големина досега. Од овогодинешната жетва поголема била само жетвата во 2017 година, кога биле ожнеани 135,5 милиони тони жито.
– „Американското министерство за земјоделство изгледа ја потценува нашата жетва “, изјавил Павенски, укажувајќи на рекоредните жетви во средна Русија и регионот на Волга. Истакнува дека и оваа година за пченицата се искористени рекордни 29,4 милиони хектари земја. Спрема, Ростат, тоа е за 1,3 милиони хектари повеќе отколку што е било предвидено во 2019 година.
Тамошното министерство за земјоделство соопшти дека од 12 август се собрани житото и мешунките и тоа 48% од засадените површини, што е повеќе отколку на истиот датум минатата година. Министерството не ја измени проценката за жетвата на житото, кое моментално изнесува 122,5 милиони тони.
Да потсетиме, во Франција оваа година жетвата на пченица потфрли. Во Германија родот ќе биде нешто помал од минатогодишниот но и понатаму ќе ги достигне оние 21,48 милиони тони. Што се однесува до Полска, третиот најголем производител на пченица, забележан е пораст на родот за 5% и достигнува 11, 75 милиони тони.
Се предвидува дека овогодишната жетва во Европската унија заедно со Велика Британија ќе изнесува 128 милиони тони, што е за 13% помалку во однос на 2019 година.
Извор: Агроклуб
