Кина минатата година, во кланица однела 9,3 милијарди пилиња, вклучувајќи ги и оние 4,4 милијарди бројлери кои биле најбарани во синџирите за брза храна. Кинеските производители на пилешко месо и покрај падот на побарувачката поради корона вирусот и понатаму продолжуваат со големото производство.
Според податоците на Министерството за земјоделство на Соединетите држави, се очекува, Кина како втор најголем светски производител на живина во 2020 година да произведе рекордни 14,85 милиони тони пилешко месо, што е значително зголемување од дури 18% во однос на минатата година (13,75 милиони тони).
-“Моментално цената е ниска. Не мислам дека тоа е само поради слабата побарувачка, туку има и голема понуда“, изјавил Пан Ченјун, постар аналитичар во „Рабобанк“.
Замена за свинското месо
Исто така, некои производители ги забрзаа своите проекти бидејќи минатата година им порасна профитот, откако се намалија количините на произведено свинско месо кое беше заменето со пилешко. Wellhope го зголеми производството за 36% во 2019 година, а со слично темпо продолжија и во првата половина на оваа година, покажале податоците на компанијата.
-“Забрзавме поради подобрите цени“, изјавил Јан Кортенбах, главен техниички директор на компанијата Wellhope-De Heus Animal Nutrition.
Како што тврди Walter Benz, претседател и генерален директор на германската компанија Big Dutchman Group која испорачува опрема за одгледување на живина, Кина од нив нарачала и нови кафези во кои можат да се сместат најмалку милијарда пилиња.
Иако производителите сакаат агресивно да го истакнат пилешкото месо, големите количини месо кои беа наменети за училишните мензи пропаднаа бидејќи училиштата беа затворени поголем дел од годината. Синџирите за брза храна исто така забележале помала побарувачка во однос на свинското месо. Но, од Wellhope се надеваат дека поголем чекор во однос на консумацијата на ова месо ќе биде направен кај населението кое смета дека тоа месо е многу поздраво.
Извор: Агроклуб
