Највисоката месечна бруто плата во 2020 година изнесувала 142 илјади евра и ја добивал стружанец кој работел во индустријата за метали. Според податоците од УЈП за поднесените годишни даночни пријави, највисоката годишна бруто плата во 2020 година изнесува 105,2 милиони денари или 1,7 милиони евра, односно 142 илјади евра месечно и ја добивал стружанец кој работел во индустријата за метали.
Најмладиот милионер во земјава имал само седум години и остварил доход од закуп во износ од 1.016.947 денари, а најстариот на возраст од 96 години со доход од 4.570.535 денари, исто така од закупнина.
Највисок доход од продажба на земјоделски производи во износ од 32,2 милиони денари има ресенчанец, а највисок бруто доход од закуп од близу 50 милиони денари скопјанец. Највисокиот, пак, доход од вршење на самостојна дејност е 73,5 милиони денари и го остварил скопјанец.
