Согласно Инвестициската програма за 2022 година, Јавното претпријатие „Национални шуми“ планираше и спроведе реконструкција на ловечка куќа Милисин, која е во состав на подружницата Кожуф-Гевгелија, инвестиција вредна 300.000,00 денари сопствени средства.
Ловечката куќа Милисин е објект изграден во 1993 година и се наоѓа во ловиштето Милисин, со кое стопанисува јавното претпријатие на површина од 10.400 ха, од кои на ловната површина отпаѓа 9130 ха. Во рамките на ловиштето се наоѓа и оградено ловиште на површина од 317 ха. Милисин е ловиште за крупен дивеч и во него се организира комерцијален лов на дива свиња и елен.
Реализираната инвестиција е во делот на изградба-реконструкција на градежни објекти во Инвестициската програма на „Национални шуми“ и претставува прва реконструкција од изградбата на ловечката куќа до сега.
