На конкурсот за финансирање и реализирање на програми, проекти и активности од областа на животната средина во 2021 година, општина Богданци склучи договор со Министерството за животна средина и просторно планирање за доделување средства за реконструкција на дел од колекторскиот систем за отпадни води во село Стојаково.
Од општина Богданци посочија дека во првата фаза од проектот ќе се реконструираат пумпните станици и делот од колекторскиот систем за отпадни води во Стојаково за што ќе бидат потрошени над 7 милиони денари од кои 3 милиони денари треба да обезбеди Министерството за животна средина и просторно планирање, а над 4 милиони денари ќе бидат исплатени од буџетот на општина Богданци.
-Поради нефункционирањето на постојниот колекторски систем, со имплементација на овој проект конечно ќе го решиме долгогодишниот сериозен проблем што го имаа жителите на селото Стојаково со одведувањето на отпадните води и ќе стремиме кон понатамошно подобрување на комуналните услови за поквалитетно живеење на локалните жители,велат од локалната самоуправа во Богданци.
Извор: МИА
