Првата година од Договорот за економско партнерство помеѓу ЕУ и Јапонија, покажа пораст на извозот на европски производи, а после неговото целосно спроведување Јапонија планира да ги укини царините за 97% од производите.
Помина една година откако стапи на сила договорот за економско партнерство помеѓу ЕУ и Јапонија (ЕПА) на кој целта му е да се намалат бариерите кои ги ограничуваат земјоделските извозници од ЕУ и да се даде можност полесно да стигнат до 126 милиони јапонски потрошувачи. Со овој договор намалени се или целосно укинати 85% од царините за увоз на земјоделски производи.
Во првите десет месеци од спроведувањето на договорот, извозот од ЕУ во Јапонија се зголемил за 6,6 % во однос а истиот период предходната година. Тој процент е најголем во последните три години. Исто така се зголемил и јапонскиот извоз во Европа, за 6,3% пишува во во извештајот на Европската комисија.
“Трговскиот договор помеѓу ЕУ и Јапонија им користи на граѓаните, работниците, земјоделците и на фабриките како во Европа така и во Јапонија. Отвореноста, довербата и посветеноста кон утврдените правила помагаат за пораст на трговијата. Европската унија била и ќе продолже да биде најатрактивен трговски блок на светот. Таа е доверлив трговски партнер на повеќе од 70 земји со кои имаме најголема трговска мрежа“ коментираше претставникот за трговска размена Phil Hogan.
Пораст по сектори
Одредни сектори забележале уште поголем раст на извозот за ист период, па така извозот на месо е зголемен за 12%, и тоа на свинско месо за 12,6% а на замрзнато говедско месо дури и тројно се зголемил. Извозот на млечни производи се зголемил за 10,4%( вклучувајќи го и извозот на путер за 47%), додека извозот на вино се зголемил за 17,3%. Кога станува збор за производите и облеката од кожа, се забележува зголемување од 14%, односно 9,5%. Извозот на електричните апарати како што се на пример телекомуникациската опрема и електронските постројки пораснал за 16,4%.
ЕПА договорот помеѓу ЕУ и Јапонија претставува можност за европските фабрики да извезуваат во Јапонија со намалени царински давачки во висина од милијарда евра годишно.
Секторите кои имаат корист од овој договор станаа поконкурентни на јапонскиот пазар бидејќи со помош на ЕПА се намалиле трошоците за извоз. Така на пример француската земјоделска задруга HEMP специјализирана за сертифициран семенски материјал, соработува со јапонската задруга која се занимава со земјоделски коноп ,па заедно се обидуваат повторно да го вратат традиционалното одгледување на оваа култура во Јапонија. Од друга страна , ирското говедско месо во Јапонија се продава по конкурентни цени. Со извозот. на ова месо се сака да се потенцира високиот европски стандард за сигурност на храната, нејзиниот квалитет и трајност.
По целосното спроведување на договорот, Јапонија целосно ќе ги укине царините на 97 % од производите кои се увезуваат од ЕУ. Годишната трговија помеѓу ЕУ и Јапонија би можела во тој случај да се зголеми за речиси 36 милијарди евра.
Извор : Агроклуб.рс
Напишете коментар