Додека Министерството за земјоделство на Соединетите Американски Држави (USDA) предвидува намалување на производството, снабдувањето и употребата на пченица во својата земја за перидоот на 2020-2021 година , изгледите за успех на оваа култура во останатите делови на светот сепак се поинакви.
Според последните проценки на USDA, производството на пченица во светот во 2020/2021 година, би требало да биде околу 768,49 милиони тони, што претставува пораст од 4,17 милиони тони во однос на периодот 2019/2020 година.
Меѓу главните извозници на оваа култура, освен се разбира Русија, особено се истакнуваат Аргентина, Канада и Австралија, а како што тврди USDA, и кај производството ќе има зголемување кое ќе изнесува 24 милиони тони, што е за околу 9 милиони тони повеќе отколку во претходниот период.
Што се однесува до земјите членки на ЕУ, за нив USDA и нема баш некои позитивни очекувања. Имено, сметаат дека производството би можело да падне на 143 милиони тони, што е за околу 11,8 милиони тони помалку отколку во периодот од 2019/2020 година.
Според прогнозата и снабдувањето со пченица на ниво на целиот свет ќе се зголеми и тоа на рекордни 1,064 милијарди тони, што би значело дека ова ќе биде веќе втора година по ред за светските залихи на оваа култура на надминат милијарда тони. Исто така, напоменуваат дека Кина би можела да ги поседува повеќе од половина од залихите на пченица во светот.
Што се однесува до самата потрошувачка, од USDA тврда дека и таа би можела да биде рекордна, а нејзината проценка е околу 753,49 милиони тони, што е 4,94 милиони тони повеќе од прогнозираното во 2019 година. Се предупредува и тоа дека употребата на сточна храна би можела да се намали бидејќи се очекува дека цената на пченицата би била пониска од цената на сточната храна, поточно од пченка.
Позитивни проценки и за надворешно- трговската политика
Според последните проценки и надворешната трговска размена, кога станува збор за оваа житарица, би требало да биде многу добра, особено за извозот. Како што прогнозира USDA, светскиот извоз на пченица би требало да изнесува рекордни 187, 98 милиони тони што е 4,58 милиони тони повеќе во однос на првата проценка.
Русија ќе остане и понатаму најголем извозник со 21 милиони тони, во период од 2020 до 2021, додека во чекор ќе ја следат Аргентина, Австралија и Канада. Спротивно на тоа, се предвидува дека извозот од Европската унија ќе опадне, како резултат на помалите приноси.
Се предвидува и дека увозот ќе порасне, првенствено поради зголемената побарувачка во Кина, Алжир, Мароко, Европската унија, Ирак, Узбестикан. Исто така, тука е и Турција, која доби одобрување за бесцариснко купување на големи количини за да ги стабилизира домашните цени. Северна Африка и понатаму ќе остане најголем увозник на оваа култура.
Извор :Агроклуб
