Преку коридорот за извоз на украински житарки, од 1 август се извезени еден милион тони земјоделски производи. За овие цели се користат три пристаништа на Црното Море – Одеса, Чорноморск и Пивденји.
Вкупно 44 бродови ги напуштија трите украински пристаништа, а нивните дестинации беа 15 земји, соопшти Министерството за инфраструктура на Украина.
Оттаму наведуваат дека речиси исто количество од овој вид производ е извезено по копно од март 2022 година.
„Подготвени сме да ги зголемиме количините на 3 милиони тони месечно за да спречиме глобален недостиг на храна“, напиша на својот Твитер министерот за инфраструктура на Украина, Олександр Кубраков.
1 M tons of 🇺🇦 food was shipped from 3 🇺🇦 ports. Since the beginning of the #BlackSeaGrainInitiative, 44 🚢s have gone to 15 countries worldwide. We are ready to increase our volumes to 3 M tons per month to prevent global food shortage. pic.twitter.com/L9NBQtwlYH
— Oleksandr Kubrakov (@OlKubrakov) August 26, 2022А дека навистина ќе биде потребно да се зголеми извозниот капацитет, доказ е изјавата на координаторот на ОН на Црноморската иницијатива за житарки, Амир Абдула, кој коментира дека во украинските силоси и магацини чекаат уште милиони тони храна и житарки.
„Треба да се ослободат за на нивно место да дојдат тие од годинашната реколта“, нагласи тој и додаде дека е потребно да се извезуваат многу повеќе земјоделски производи.
Првиот испорачан милион го нарече само почеток.
„Подеднакво важен во рамки на оваа иницијатива е итниот извоз на ѓубрива, вклучително и амонијак, за да можат земјоделците ширум светот да продолжат да произведуваат храна за следната година по прифатлива цена“, додаде Абдула.
