Откупната цена на медот во Бугарија не е сменета околу 20 години, пресметува пчеларот од Новозагорско, Динко Динев.
Според неговите истражувања, пред 6-7 години цената на најпопуларниот ливадски мед го достигнала врвот од 5,50-6 лева/кг, (1 лев = 31,54 денари), по што повторно се спуштила на критичните 4,20-4,80 лева/кг. Ова се всушност и цените од пред 15-20 години.
„Минатата година беше на дното. Имаше цена од 3,30-3,80 лева/кг. Потоа, во текот на годината, цените се вратија на 4,50 лева/кг. Оваа година е 5,50 лева/кг, а се очекува да се заокружи до 6 лева/кг во септември или октомври“, вели Динев.
Динев е категоричен дека тој и неговите колеги се далеку од неопходната откупна цена за нивното пчеларство да биде европско и да имаат некакви стабилни приходи.
„Кога цената на медот беше околу 4,50 лева/кг пред 20 години, тогаш просечната плата во земјата беше околу 200 лева. Во моментов таа е 1.350 лева. Односно, откупната цена на медот треба да биде малку над 32-33 лева/кг како еквивалент на тие времиња. Ова се цените за Бугарија кои би биле релевантни и би им дале можност на пчеларите да постојат“, рече производителот, кој заедно со своето семејство се грижи за 250 кошници.
Извор: agri.bg
