Успешните приказни се секогаш резултат на јасната визија, напорната работа и поддршката од околината. Таков е и примерот на „Подгорка“ која во време на сериозна енергетска криза, успеа и да го развие својот бизнис, и да ги намали производствените трошоци благодарение на инвестиција во фотонапонска централа, инсталирана со средства од ИПАРД 2 програмата.
Наша задача и обврска како Влада е да креираме услови за развој на компаните, затоа и одговорно пристапуваме и одговорно го менаџираме буџетот. Со тој пристап, во услови на криза, преку антикризните мерки го заштитивме стандардот на граѓаните, ја одржавме ликвидноста на компаниите со што се зачуваа работните места. Обезбедивме и евтина и 80% субвенционирана струја со што овозможивме и помали трошоци за граѓаните и компаниите, но и ги обезбедивме виталните функции на државата. Олеснетите процедури за поставување фотоволтаици кои ги овозможивме, се дел од планот за целосна енергетска трансформација на земјата.
Честитки и посакувам многу успех за „Подгорка“, нивната успешна приказна нека е инспирација за сите.
