Според информациите од терен, утрово во Преспанскиот регион повторно ниски температури оштетија дел од насадите со јаболка.
– Повторно имаше ниски температури кои варираа од место до место во Преспа , некаде се спуштија до минус 1 некаде температурата падна и до минус 3. Што се однесува до штетите во оваа фаза (фаза на цветање) во која што се наоѓаат моментално овоштарниците секако дека има штети различни по региони. Но производството тука не застанува, во овој момент овоштарите вршат заштитни третирања на овошките за да можат да спасат од родот кој сигурно од 20 до 40% е оштетен – изјави Игор Ивановски, раководител на Подрачна единица на МЗШВ во Ресен.
