-Денеска присуствував на потпишувањето на 29 договори за реализација на развојни проекти во осумте плански региони на Република Северна Македонија, во вкупен износ од над 422 милиони денари.
Средствата кои Владата ги оддели за финансирање на овие проекти се обезбедени преку Програмата за рамномерен регионален развој, чијашто цел е подобрување на благосостојбата на осумте плански региони, намалување на регионалните нерамномерности и подобрување на квалитетот на живеење на граѓаните преку остварување на рамномерен и одржлив развој на целата територија на државата.
Во оваа прилика сакам да им се заблагодарам на Министерот за локална самоуправа, Ристо Пенов, и на Директорот на Бирото за регионален развој, Рамиз Реџепи, кои се носители на оваа програма и на кои им верувам дека доследно и успешно ќе го следат процесот на реализација на проектните активности.
Сите средства кои денес беа распределени, за секој поединечен проект, ќе бидат максимално, одговорно и свесно искористени – сé со цел одржлив развој на регионите и подобар живот за граѓаните!
Фејсбук-статус на Фатмир Битиќи, заменик на претседателот на Владата задолжен за економски прашања, координација со економските ресори и инвестиции
