Карантин за живината и домашните птици е воведен ширум Англија од понеделникот, 7 ноември, за да се спречи ширењето на птичјиот грип.
Сопствениците своите птици, без разлика на видот или големината, мора да ги чуваат во затворени простории и да ги почитуваат строгите мерки за биолошка безбедност за да ги заштитат од болести, се вели во соопштението на британското Министерство за животна средина.
Во текот на октомври во Англија се откриени повеќе од 70 жаришта на птичји грип, а болеста е откриена и кај дивите птици. Според податоците на Европската агенција за безбедност на храна, минатата година биле усмртени 47,7 милиони живина.
Неколку случаи на пренесување на вирусот на луѓе се пријавени во Кина, Велика Британија, САД и Шпанија.
