Во објавениот извештај на Европската Унија за трговија со земјоделски и прехранбени производи, вкупната вредност на трговската размена во април 2022 година достигна 31,4 милијарди евра, што е зголемување за 14 отсто во однос на истиот период лани. Поради помалиот извоз во Русија за 26 отсто и во Кина за 11 отсто, извозот на земјоделски производи од ЕУ е намален за 5,4 отсто.
Трговските текови се зголемија од јануари до април. Извозот е зголемен за 10 отсто, а увозот за 28 отсто поради високите светски цени.
Војната во Украина имаше големо влијание врз тргувањето. Во март и април увозот на пченка од Украина е намален за 35 отсто, а од Србија за 77 отсто. Увозот на пченка од САД, Канада, Молдавија и Бразил делумно го компензираше ова нарушување на синџирот на снабдување.
Вкупниот извоз изнесувал 17,9 милијарди евра. Причина за тоа е слабиот извоз на свинско месо и пченица во Кина и намалувањето на извозот на житарки и маслодајни растенија. Имено, извозот во Кина е помал за 2 милијарди евра во однос на истиот период лани, најмногу поради свинското месо, чиј извоз е намален за 1,9 милијарди евра.
Извозот во Украина е зголемен за 93 отсто на месечно ниво. Зголемени се сите категории, освен растителните масла и зеленчукот. Зголемувањето е постигнато и во текот на април во субсахарска Африка, најмногу поврзано со маслодајните семиња за 83 отсто, житариците за 27 отсто и производите од житарки за 14 отсто. Незначително е зголемен и извозот на млечни производи, за два отсто.
Извозот во Обединетото Кралство порасна за 20 отсто, предводен од наглиот пораст на извозот на путер за 69 отсто, пченката за 46 отсто и пченицата за 25 отсто. Највисоки вредности се почувствувани кај извозот на житарки, вкупно 280 илјади евра, а најголем пораст има извозот на живина и јајца од 270 илјади евра.
Помал увоз
Увозот на земјоделски производи од ЕУ достигна вредност од 13,5 милијарди евра, што е за 1,2 отсто помалку во однос на март. Салдото на земјоделско-прехранбени производи за април 2022 година изнесува 4,4 милијарди евра. Тоа е намалување за 16 отсто во однос на март.
Во ЕУ најголем увоз оствариле маслодајните семиња и протеинските култури. За нив во набљудуваниот период се издвоени 7.527 милиони евра, што е зголемување за 27 отсто.
Од почетокот на јануари до крајот на април, гледајќи ја вкупната вредност на билансот, извозот изнесувал 69.592 милиони евра. Гледајќи ја кумулативната месечна трговија во 2022 година, извозот во Обединетото Кралство, САД и Јапонија пораснало најмногу, додека извозот во Кина, Русија и Украина бил нешто помал.
Вкупниот увоз е за 28 отсто поголем и изнесува 51.547 милиони евра. Бразил е земјата со која најмногу се тргувало и од која е остварен најголем увоз, со пораст од 46 отсто.
https://agriculture.ec.europa.eu/system/files/2022-07/monitoring-agri-food-trade_apr2022_en.pdf
