Патишон тиквичката има карактеристично рамен, необичен изглед. Обично има бела боја. Месото на тиквичката е меко, нежно, густо, слатко и вкусно.
Патишон тиквичката има облик на сплескан диск, па затоа ја нарекуваат и „вселенска тиквичка“. Може да тежи најмногу од 200 до 300 грама. Нејзиниот вкус е нешто помеѓу вкусот на тиквичка и краставица. Се подготвуваат на речиси сите исти начини како и вообичаените тиквички. Патишон тиквичката содржи витамини од групата Б, витамин Е и каротин.
За консумирање младите плодови не треба да се лупат бидејќи кората е се уште мека, а семките се уште не се изразени.
Патишон тиквичките се сеат во мај во длабоко обработена почва која е богата со хумус, на растојание од околу 50 см и не е потребна потпора. Се бере по три месеци.
Плодовите се бели и во облик на ѕвезда. Помалите плодови од ова растение може дури и да се кисели, а не е невозможно да се кисели и поголемите примероци.
Custard white е уште еден вид патишон тиквичка што се сее за садници во април или мај и се пресадува во мај и јуни. Под неа може да се мулчира земјиштето за плодовите да не се во допир со земјата, за да не изгнијат. Се бере три месеци по сеидбата.
