Со доаѓањето на раната есен и бербата на овошјето во овоштарниците и лозјата, постои опасност од каснување од инсекти. Пчелите, осите и стршлените се најчестите закани. Би било идеално да соживотот на луѓето и инсектите е можен без опасност. Но, од нивна перспектива, тоа би значело дека луѓето не смеат да ја загрозуваат нивната територија, а од нашата, дека не треба да нè боцкаат кога тоа им го правиме. И тоа изгледа невозможно.
Затоа, ова е важна тема за време на бербата на овошјето бидејќи тие претставуваат голема закана за здравјето, особено за оние луѓе кои се алергични на нив.
Што да се направи ако има убод од инсекти и алергиска реакција?
Како да препознаете алергиска реакција?
Најдобро е прво да проверите дали осилото останало во кожата, и доколку е потребно, треба нежно да се извади, користејќи марамче или газа. Треба да се избегнува отстранување со пинцета или игла. Исто така е важно да се стави мраз на тоа место и да се чува од 15 до 30 минути. Ако и после тоа има црвенило, чешање или оток може да се намачка со антихистаминска крема.
Убодите од овие инсекти се непријатни сами по себе, но кога се пропратени со алергиска реакција, тогаш ситуацијата станува многу сериозна.
Во случај на алергиска реакција, лицето се жали на силна болка на местото на убодот. Исто така, отокот може да биде видлив на тоа место, а исто така може да се појави осип или црвенило на телото. Додека пак во тешки алергиски реакции, се јавуваат потешкотии со дишењето, оток на јазикот, гадење, дијареја и главоболки, па дури и губење на свеста.
Постои и закаснета алергиска реакција
Треба да се напомене дека во некои случаи доаѓа и до одложена алергиска реакција. Таа може да се појави 8 до 12 часа после убодот и обично се манифестира со појава на осип, црвенило и чешање околу тоа место или по целото тело.
Задолжително треба да се повика брза помош кога ќе забележиме знаци на силна алергиска реакција во која се присутни претходно споменатите симптоми.
Подобро да се спречи отолку да се лечи!
Познато е дека овошните сокови се исклучително привлечни за овие инсекти. Тие обично се гнездат во заштитени места на дрвјата, во грмушките, но и во тавани, оџаци, пукнатини на фасадата, околу прозорците и слично. Затоа, редовно прегледувајте ги ваквите места, но бидете внимателни. Никогаш не горете ги нивните гнезда и не полевајте ги за да не ги вознемирувате.
Овие инсекти имаат посложен вид од нас луѓето, тие ги гледаат работите поинаку и честопати можат да бидат привлечени од погрешни предмети, вклучувајќи ја и облеката на една личност. Светлите бои, како жолтата, повеќе ги привлекуваат. Затоа, кога работите во овоштарникот препорачливо е да избегнувате облека во жолта боја, а најдобро е да носите бледи нијанси или бело.
Исто така, не се препорачува во овоштарникот да носите лабава облека па така инсектите нема да можат да се вовлечат во неа и да ве вознемират уште повеќе. Избегнувајте и парфеми, особено оние со цветни и овошни ноти.
Ако видите гнездо или рој инсекти, избегнувајте го во широк радиус и никогаш не мавтајте со рацете за да не ги вознемирувате дополнително. Исто така, немојте да ги тресете старите гранки на дрвјата затоа што тие инсекти најчесто се гнездат токму таму. Никогаш не одете сами кога го берете овошјето и секогаш имајте мобилен телефон со вас за да можете да повикате помош.
Извор: Агроклуб
