Националниот сојуз на здруженија на италијански пчелари бара забрана за увоз на мед од Кина, бидејќи, како што велат, тоа е во интерес на италијанските производители и потрошувачи.
Во документот испратен до Министерството за земјоделство се вели дека стандардите за мед во Кина не одговараат на стандардите на ЕУ и Италија. Така, според европските стандарди, медот се дефинира како производ произведен од пчели, во кој е забрането додавање на супстанции или отстранување на поленот и другите природни компоненти од него.
Од друга страна, регулативите во Кина овозможуваат индустриска обработка на медот, што значително ги менува неговите карактеристики. Исто така беше забележано дека, во многу земји има криза во пчеларството во последните 15 години, а Кина постојано го зголемува производството на мед, со благ пораст на бројот на пчелни заедници. Тоа е причината што италијанските производители се сомневаат дека Кина го зголемуваат производството така што медот го заменува со разни сирупи и дека Кина носи голем дел од вината поради фактот што медот стана еден од најфалсификуваните производи во светот.
Според проценките на американските експерти, медот е на третото место на листата на овие производи после млекото и маслиновото масло.
Извор: Агропортал.хр
