Објавена е Одлуката за спроведување на стратегиска оцена на влијанието врз животната средина согласно член 65 од Законот за животна средина, за планскиот документ Стратегија за рурален развој на Општина Охрид 2022- 2027 година, информираат од Општина Охрид.
Обемот на извештајот за стратегиска оцена треба да ги опфати влијанието на развојните решенија во поглед на осетливите елементи на животната средина на планираниот опфат (вода, почва, управување со отпад, природното и културно/археолошко наследство) како и влијанието на социоекономската состојба, велат од општината.
Органи кои се засегнати од имплементацијата на овој документ се Министерство за животна средина и просторно планирање, Министерство за земјоделство, шумарство и водостопанство, Агенција за финансиска поддршка во земјоделството и руралниот развој, ЈУНП Галичица и Општина Охрид.
Одлуката заедно со формуларите за определување на потребата од спроведување на стратегиска оцена се објавени на веб страната на Општина Охрид.
Против оваа одлука јавноста има право на жалба до Министерството за животна средина и просторно планирање во рок од 15 дена од денот на објавувањето на одлуката на веб-страницата.
