Двајца пријатели од Мексико, свесни за тоа колку модната индустрија влијае на загадувањето на животната средина, започнаа да произведуваат вештачка кожа од кактуси кои ги откупуваат од земјоделците.
По завршувањето на студиите Адриан Лопез Веларде и Мартеа Казарез се вработиле, но станале се позагрижени за загадувањето на животната средина.
За modernfarmer изјавиле дека долго планирале да ја напуштат работата со која се занимавале до тогаш , за да можат да се занимаваат со нешто што ќе ги исполнува. Лопез бил вработен во индустрија за намештај, а Казарез работел во модната индустрија.
Кожата од кактус трае најмалку 10 години
Тие одлучиле своите пари, искуство и знаење да ги вложат во модната индустрија бидејќи сметале дека тоа е една од индустриите кои имаат најголема потрошувачка, а целта им бил да направат одгржлива алтернатива за природната кожа.
Материјалот е делумно биоразградлив и има такви технички спецификации кои инаку ги бараат индустриите за намештај, автомобили , кожа и мода. Благодарение на издржливоста, флексибилноста, пропустливоста и трајноста од најмалку 10 години, кожата произведена од кактус има можност да ги замени животинските и синтетичките материјали кои еколошки и етички не се прифатливи.
Производството на памук бара многу вештачко ѓубриво
За овој материјал се одлучиле бидејќи во производството на памук се користи многу вештачко ѓубриво, но и поради фактот дека 80 % од изработената облека на крајот ќе биде запалена и ќе заврши на депонија.
„Природните ресурси на земјата се под голем притисок, а за тоа голем удел има модната индустрија“ вели Лопез Веларде и додава дека им било многу важно да направат линија која ќе биде фокусирана на одржливоста и заштитата на животната средина со која сите ние се соочуваме.
Кактусите ги откупуваат од земјоделците
Инспирација пронашле во растението од сортата Опуниција, па одлучила да го користат за производство на вештачка кожа. Овој кактус кој го обработуваат е по потекло од Мексико каде што всушност го користат во исхраната како додаток на разни јадења.
Лопез Веларде и Казарез откупуваат суровини од 27 земјоделци од сојузната држава Закатекас.
За изработка на кожа ги користат само зрелите лисја на растението и тоа со метода за која велат дека овозможува берење на нови лисја на секои шест до осум месеци. Откако ќе се исечат лисјата се сушат на сонце 3 дена, а потоа се преработуваат.
На минатогодишниот меѓународен саем за кожа “Lineapple” во Милано го претставиле својот производ, а нивниот бренд “Desserto” предизвикал голем интерес во светот на модата.
Извор: Агроклуб
