Почитувани земјоделци и агробизнисмени, ве известуваме дека од денеска започна со работа Агротим.мк специјализирана платформа за информации од агрокомлексот и агроберза.
Идејата за овој проект произлезе од потребата на земјоделците од поголема информираност и едукација за новите модерни технологии во земјоделското производство, користењето на европските и други фондови како и приближување на мерките на државата кои се во интерес на профитабилен агробизнис.
Токму затоа, Агротим.мк ќе функционира како сервис на земјоделците и ќе претставува систем кој ги интегрира сите чинители во овој сектор – земјоделските примарни производители, преработувачите, откупувачите, трговците и Владата.
Освен контактите преку платформата, Агротим ќе биде на терен, со директни контакти со земјоделците. Ќе се организираат средби, трибини, форуми и друг вид на едукативни активности. Особено ќе се стави акцент на развојот на договорното производство како најдобар начин за решавање на проблемот со пласманот на земјоделските производи.
Агротим.мк ќе биде поврзан и во тесна соработка со агроберзата Инфотим.рс преку чија платформа ќе можат земјоделците и агробизнисмените да се информираат за движењето на цените на земјоделските производи, понудата и побарувачката на одредени производи но и да воспостават директни контакти и да тргуваат.
Во овој проект се вкучуваат и неколку компании од агрокомплексот кои покажаа општетствена одговорност и желба да се помогне во едукацијата на земјоделците и модернизирање на македонскиот аграр: АГРИА, СН осигурителен брокер, Благој Ѓорев, Подгорка, Кожувчанка, Синпекс, Везешари, Хемомак и други.
Целта ни е заедничка – поголем развој на домашното производство на храна и приближување на македонските производи кон европските и светските стандарди.
Раководител на проектот е Ленче Николовска.
Bravo,odamna ocekuvam vakvo nesto ,inform. od prva rak i se ostanato na edno mesto.Vi posakuvam golem uspeh i odlicna sorabotka so site zaintersirani.
Vi blagodaram
Nade Micevska Kocani