Иако сите земји од Персискиот залив, главно се потпираат на увоз на храна, некои од нив сепак во последните неколку години го пoттикнуваат и сопственото производство. Еден од најдобрите примери за тоа се Обединетите Арапски Емирати (ОАЕ) каде што вкупниот придонес на земјоделството во вкупниот БДП (Бруто домашен приход), благодарение на големите вложувања, од 2, 39 милiјарди долари во 2012 година, порасна на 3,06 милијарди долари во 2018 година.
Таа земја според Глобалниот индекс за безбедност на храната, моментално е рангирана на 21 од вкупно 113 места, а нејзина цел е до 2021 година да бидат меѓу првите 10. До тогаш се надеваат дека барем половина од храната што ја консумираат ќе биде од домашно производство.
Проблеми со водата и почвата
За да се поттикне домашното производство, направена е Национална стратегија за безбедност на храната, која официјално почна да се спроведува во 2018 година. Од тогаш па до денес изградени се разни копмлекси и фарми за домашни животни, инфрастrуктурни објекти , воведени се голем број на субвенции за земјоделството, а владата целокупната домашна храна ја ослободи од ДДВ.
И покрај тоа што вложуваат големи напори да заживее земјоделството, не можат да избегаат од проблемите. Според последните истражувања на Институтот за светски ресурси, нема добри вести за ОАЕ. Поради се поголемите климатски промени заедно со 17 други земји, Емиратите се под голем т.н. воден стрес, што значи дека годишно искористуваат 80% од достапната вода.
Модерното земјоделство е единствено решение
Најголем проблем како што претходно беше кажано е климата, а се очекува дека глобалното затоплување ќе доведе до уште поголеми суши. Поради тоа поголем број од иновациите во земјоделството се потпираат на посеви во затворен простор.
Така на пример фирмата Pure Harvest во 2018 година собрала семе вредно 4,5 милиони долари и одлучила да произведува на модерен начин.
„Нашите високотехнолошки стакленици овозможуваат прецизна контрола на климата и овозможуваат зголемена продуктивност, но и помала потрошубачка на вода и енергија ,а се намалува и отпадот. Квалитетот ни е од голема важност, а производите веднаш ги пакуваме и ги испорачуваме за да останат свежи.“ пишува на нивната официјална страна.
Фирмата моментално продава 30 различни сорти на домати , а планира во наредните неколку месеци да го зголеми производството за 30 хектари и тоа со други сорти на овошје и зеленчук.
Помалку вода и без пестициди
Во последните неколку години земјата исто така бележи пораст на бројот на вертикални градини на кои има насади под LED светла. Фабриката Emirates Flight Catering и големата вертикална градина Crop One Holdings, склучија партнерство и одлучија да направат една од најголемите фарми со таков тип на осветлување, во која ќе вложат повеќе од 40 милиони долари.
„Земјоделското стопанство кое ќе се протега на површина од 130.000 км2, би требало да биде спремно оваа година . Наша цел е да користиме 99% помалку вода отколку во традиционалното земјоделство и нема да користиме пестициди“ порачуваат од фирматаCrop One Holdings.
Денес во време на пандемија од корона вирусот, трудот во земјоделството во ОАЕ им се исплати бидејќи покрај увозната храна имаат и домашна. Рафтовите во маркетите никогаш не останаа празни, делумно и поради новата политика на нивната влада.
Извор:Агроклуб
