Најновата заштитена марка со потекло од Европската унија доаѓа од Франција, соопшти Европската комисија. Тоа е козјото сирење„Brousse du Rove“ кое е направено исклучиво од козјо млеко и тоа од кози од расата Ров, која се одгледува во југозападниот дел на земјата.
Калапите за сирење се со големина 32 x 22 x 85 милиметри. Содржи минимум 30 грама сува материја и минимум 45 грама маснотии на 100 грама производ. Сирењето мора да се конзумира многу свежо, најмногу 8 дена по неговото производство. Бело е, меко, со арома на свежо млеко и слатки бадеми. За оксидација се користи бел алкохолен оцет.
Козите од расата Ров, од кои се добива млеко за производство на ова сирење, се хранат главно на пасишта и им се дава најмногу 0,5 кг сточна храна по животно во просек годишно. Тие пасат најмалку 5 часа на ден, 261 дена во годината.
Историјата на ова уникатно сирење датира од средниот век. Неговото производство беше главниот извор на приход за жителите на селото Ле Ров. Сирењето е вистински деликатес во Марсеј и околината. Методите за негово производство постепено го напуштиле селото и се прошириле во регионот.
Извор:Агри.бг
