Во 2020 година увозот на свинско месо во Украина достигна 17 %, а farmer.pl како главна причина го наведува фактот дека кинескиот пазар е затворен за европските добавувачи поради африканската свинска чума, па тие се спремни да го продадат свинското месо по многу ниски цени на странскиот пазар.
„Многу украински производители не можат да си дозволат таква конкуренција“, предупредува Сергеј Касјанов.
Тамошното Министерство за економски развој и трговија соопшти дека производството на тој вид месо во 2021 година ќе се зголеми за 3,1% во однос на минатата година и ќе изнесува 740 илјади тони. Според неговите очекувања, побарувачката ќе ја надмине понудата на 10,9 % т.е за 90 илјади тони. Исто така, очекуваат дека увозот во тој период ќе се намали за 2,9 %, а извозот за дури 20%.
„Во второто тромесечје од оваа година би требало да очекуваме раст и на откупните цени на живите свињи“, вели Касјанов, додавајќи дека според неговите проценки цените на живата стока ќе пораснат од досегашните 1,10 до 1,16 евра на 1,31 до 1,42 евра.
Решение – намалување на увозните квоти?
Според неговите зборови, ситуацијата на украинскиот пазар е многу тешка, бидејќи поради растот на цената на житарките пораснала и цената за крмни смеси и тоа во просек за дури 30 отсто. Тоа би можело да значи дека малите одгледувачи можеби ќе бидат принудени да го напуштат пазарот, а нивното производство ќе стане непрофитабилно. Истовремено, главно ќе преживеат големите компании кои склучиле долгорочни договори со откупувачите и потрошувачите.
„Благодарение на нашата стратегија, имаме сопствена пченица и пченка“, вели Касјанов додавајќи дека поради тоа имаат пониски трошоци за производство во споредба со оние кои мораат да купуваат храна. „Од таа причина и профитабилноста на нашата компанија е стабилна“, вели заклучувајќи дека се потребни мерки за намалување на квотите за увоз од земјите од ЕУ.
Имено, во јануари оваа година украинското здружение на одгледувачи на свињи побарало од трговскиот претставник на Украина, заменик-министерот за стопанство, Тараса Кацке, да ја земе предвид таа ставка во преговорите со ЕУ за измена на спогодбата за слободна трговија.
Извор: Агроклуб.рс
