Министерот за земјоделство, шумарство и водостопанство, Љупчо Николовски заедно со заменик амбасадорот на Европската Унија, Џулијан Васало и градоначалникот на општина Теарце, Нухи Незири денеска извршија увид во изградбата на системот за наводнување Теарце.
Николовски изрази благодарност до Европската Унија за поддршката во развојот на македонското земјоделство.
„Со поддршка од 2,3 милиони евра, средства обезбедени преку ИПА фондовите на ЕУ градиме три системи за наводнување во Теарце, Пишица и Конопница.
Одлично напредува изградбата на системот за наводнување во Теарце преку кој наводнуваме нови 300 хектари земјоделско земјиште. Им помагаме на 120 земјоделци, овозможувајќи наводнување до 450 парцели каде се обработуваат различни куктури.
„Поддршката која од Европската Унија како држава, но и како министерство, ја добиваме е значајна во развојот на македонското земјоделство. Заедно со поддршрка на Европската Унија, преку ИПА фондовите, работиме и на други капитални проекти преку кои обезбедуваме наводнување на земјоделските површини. Во финална фаза е системот Славишко Поле, а интензивно рабоитме и на систмот Чаушица. Уште два капитални проекти за наводнување на земјоделско земјиште поддржани од ИПА фондовите на Европската Унија чија вредност е 2,5 милиони евра. Со изградбата на овие системи дополнително овозможуваме наводнување за повеќе од 350 хектари земјоделско земјиште. Преку поддршка од ИПА фондовите обезбедени се и средства во вредност од 3,5 милиони евра за изградба на хидросистеми за наводнување во Сопот и Новаци“, истакна во своето обраќање министерот Николовски.
Активно се работи на довршување на браната Конско, една од најголемите капитални инвестиции во делот на наводнувањето вредна повеќе од 2,6 милијарди денари, која се реалиизира со буџетски средства на Владата. Ова е најголем капитален проект за водоснабдување во последните 50 години со кој се обезбедува наводнување за повеќе од 4000 хекатри земјоделско земјиште во гевгелиско поле.
Уште еден голем проект на кој МЗШВ работи е проектот за наводнување на јужната долина на реката Вардар со кој се обезбедува наводнување за 5.300 хектари земјоделско земјиште.
Реализацијата на овие капитални проекти има за цел да овозможи достапност на земјоделците до соодветни системи за наводнување, помали трошоци за работа и поголема конкурентност, и најважно да го зголеми приносот и подобри квалитетот на земјоделските култури“, рече Николовски.
