Враќањето на сончогледот на македонските ниви, таа успешна приказна на Договорно производство која започна во 2018 година, мора да продолжи. На овој начин откупувачот има сигурна суровина, а земјоделските производители обезбеден пласман. Владата се погрижи да имаат повисоки субвенции за сончоглед, а земјоделците добиваат и дополнителна поддршка како ѓубриво, зелена нафта… И се функционираше добро до лани, кога производството од 2000 тони во 2018 година, достигна до 10 000 тони домашно производство на сончоглед.
Годинава работите се изместени. Временските прилики не беа поволни за сончогледот поради што годинешниот род е 3 800 тони а берзанската цена, ниска. Директорот на „Кристал 1923“ Горанчо Лазов реагира и на одлуката за зголемување на ДДВ од 5 на 10 посто, што е сериозен удар врз рентабилноста на производството на фабриката.
Враќањето на сончогледот на македонските ниви, таа успешна приказна мора да продолжи. Механизмите се во рацете на Владата која мора да помогне и да изнајде начин како ќе продолжи со поддршката на оваа важна култура.
Мора да се поздрави и ваквиот начин на делување и меѓусебна доверба меѓу земјоделците и откупувачот. Таа предност треба да се искористи во насока на зголемување на производството што за државата е намалување на одлив на девизи, зголемени обработливи површини и задоволни земјоделци. На овој начин Владата карши себе има сериозен партнер за заедничко решавање на проблемите во интерес на сите чинители во процесот.
Ленче Николовска
