Овогодишното производство на коскесто овошје како што се праски, нектарини, кајсии и сливи во Шпанија ќе се намали за најмалку 15%, а во најлоша ситуација е регионот Валенсија каде е загрозено 40 % од производството.
Шпанија е водечка европска земја во произвдоството на овошје, особено кога се во прашање агрумите, но оваа година има големи проблеми. Имено според Одборот за коскесто овошје (FEPEX) кој е составен од здруженија на производители и трговци, овогодишното производство ќе се намали за најмалку 15 % во однос на претходната година.
Пад на произвдоството
Намалување помеѓу 15 и 20% се очекува и во северните делови на Шпанија, како Арагон и Каталонија, иако бербата таму сеуште не е ни започната. Падот на производството во најголем дел е последица од намалување на површините кои во Каталонија и Екстремадура изнесува околу 2000 хектари.
Слична е ситуацијата и во остатокот на Европа, а пад се очекува и во Италија и Франција.
Регионот Валенсија е во најлоша ситуација
Производителите на коскесто овошје од шпанската покраина Валенсија се соочени со катастрофални резултати оваа година. Имено, тамошната задруга на земјоделски производители (AVA-ASAJA) предупредува дека 40 % од производилите на кајсии, праски, нектарини и сливи одлучи да ги откорни стеблата после бербата во јули и август со оглед на континуираниот недостаток на профитабилност.
Според статистиката на шпанското Министерство за земјдоелство, во тој регион на 10.272 хектари се наоѓаат насади од овој вид на овошје. Затоа, оваа задруга проценува дека ќе исчезне производството на околу 4000 хектари.
На ова веќе драстично намалување се додава уште 2000 хектари кои регионот ги изгуби во последните десетина години и 8000 хектари изгубени од 2002 година.
Поради климатските промени намалена е бербата за 20 %
Аграрната организација за новонастанатата ситуација, ги обвинува мркетингот, корона вирусот но и строгите стандарди кои ги наметнаа европските трговци. Според нивното мислење, уште еден одлучувачки фактор за лошата сезона на коскестото овошје се и климатските промени кои ја зафатија земјата во последните неколку месеци, а резултираа со намалување на бербата во Валенсија за повеќе од 20 %.
Имено влиајнието на бурата Глорија во јануари и рекордниот број на дождливи денови во април, во комбинација со високите температури, се главните виновници за лошата берба на раните сорти.
Претседателот на AVA-ASAJA, Кристобал Агуадо, изјави дека „Состојбата со коскестото овошје во регионот на Валенсија е очајна. Што се однесува до профитабилноста, минатата година беше најлоша во последните 30 години, а ако оваа сеозна се заврши исто така лошо како што и започна, голем број производители ќе се откажат од произвдоството. Или на овоштарите ќе им се плаќа пристојна цена или нема да има производство“.
Исто така смета дека е лошо да се изгуби традиционалниот дел на шпанското земјоделство, и покрај тоа некои овоштари ќе се одлучат за садење на бадеми сепак тоа би можело да доведе до вишок на такво производство во иднина.
