Со доаѓањето на пролетта, пазарите стануваат сѐ побогати со омилените црвени ротквици. Нивните зелени листови, повеќето купувачи ги фрлаат при чистењето. Тоа е голема грешка бидејќи листовите на ротквицата се неисцрпен извор имаат многу придобивки за здравјето.
Ротквиците се богати со витамин Ц, витамини од групата Б, фосфор и цинк и благотворно делуваат на нашата кожа, правејќи ја мека, мазна, затегната, сјајна и навистина убава.
Одлични се за луѓе кои страдаат од констипација (запек), бидејќи влакната од ротквицата го поттикнуваат лачењето на дигестивните сокови и работата на цревата. Листовите од ротквицата се особено богати со железо, па затоа се советува да ги консумираат анемични лица.
Сигурно се прашувате што да правите со листовите ротквица за да бидат вкусни.
Откако добро ќе ги исчистите листовите под млаз вода, можете да ги користите во разни утрински свежо цедени и мешани сокови, разни мешани салати или да направите изматени јајца со листови ротквица и некој друг зеленчук.
Во соковите листовите добро ќе делуваат со јаболко, лимон, рендан ѓумбир и мед, додека за салата ќе ви требаат уште неколку лиснати салати за да направите добар микс. Можете да ги иситните листовите, да додадете малку кромид, суво грозје, да зачинете со маслиново масло, оцет или лимон.
