Денеска министерот Трајан Димковски учествуваше на 21-от координативен форум на ЦИЦ –Меѓународниот совет за лов и заштита на дивеч.
За прв пат во историјата на ловството на овие простори, нашата земја е домаќин на овој настан на кој присуствуваат делегации на ловечките сојузи од Централна и Источна Европа како и целиот Балкански регион.
Во време на регистрирано присуство на болеста Африканска свинска чума во соседните држави (Грција, Бугарија, Србија) постои реална опасност од проширување на болеста. Затоа, овој настан е од исклучително значење за размена на искуства и креирање на мерки во насоки на превенција и третирање на болеста, доколку се појави и во нашата држава.
