Смоквите можат да се размножуваат на повеќе начини – со семки, со положување, со резници и со калемење.
Со семка смоквите се размножуваат само после вкрстување за производство на нови сорти. Уште Теофраст ја спомнувал сеидбата на смоквиното семе, а и Маврите во Шпанија произведувале смокви од семка.
Едногодишните гранчиња смоква многу добро се ожилуваат со положување. Се положуваат бујни летници. Но и овој начин на размножување ретко кога се искористува во пракса, бидејќи смоквите многу лесно се размножуваат со наједноставниот и најбрзиот начин на размножување – со зрели резници.
Размножувањето се резници се врши откако смоквата ќе се култивира. Само благодарение на тој лесен начин на размножување на смоквата таа можела да се распространи уште во предисторискиот период. Смоквата се размножува само со зрели едногодишни, двегодишни и тригодишни резници.
Во медитеранските земји резниците се садат веднаш на постојаното место. За таа цел се земаат и долги резници од 60-90 см, а во некои земји и над 100 см долги и 2,5 до 4 см дебели. Меѓутоа во расадниците се земаат резници од едногодишни гранчиња со должина од 20-25 см. На овој начин лесно се доаѓа до голем број резници, а и ожилувањето е подобро, се разбира, под услов земјиштето да е доволно влажно.
Извор: agrosavjet.com
