За млади овоштарници се сметаат насадите во период на интензивен раст и развој на овошките. Тоа е периодот од садење на овошните садници па сè додека не развијат основни скелетни гранки, со предвидената форма на одгледување.
Младите овошки треба редовно да се ѓубрат за да се забрза растот и развојот. Во првата и втората година овошките се ѓубрат поединечно. Зоната на ѓубрење околу овошките би требало да биде нешто поширока од крошната. Првата година, на почетокот на вегетацијата, се извршува прихрана со 0,2 кг KAN или 0,1 кг уреа или 0,3 кг NPK 15:15:15 по стебло. На крајот на мај или почетокот на јуни се извршува уште една прихрана со исти видови и иста количина на ѓубре како кај првото прихранување.
Првата година на одгледување, во основното ѓубрење на овошките со густа структура, една овошка се наѓубрува со 0,15-0,20 кг со едно од комплексните ѓубрива NPK 7:20:30, NPK 6:18:36, NPK 7:14:21 или 0,1 кг NPK 8:26:26, NPK 10:30:20.
Во втората година на одгледување ѓубрењето се извршува во исто време и со исти видови ѓубре, со тоа што количината се зголемува за 30 до 50 отсто.
Во третата година на одгледување и понатаму, ѓубрењето се продолжува по целата површина на овоштарникот, освен кај посебните стебла, кога се додава од 0,2 (NPK 10:30:20) до 0,45 (NPK 5:20:30) кг/стебло, додека четвртата година посебните стебла се ѓубрат од 0,3 (NPK 10:30:20) до 0,6 (5:20:30) кг/стебло.
Времето на ѓубрење и видовите на ѓубриво се исти како и кај ѓубрењето на овошки во род. Кај прихранувањето на млади овошки со азот би требало да се настојува да се додаде поголема количина ѓубре на овошките кои растат послабо за овошките еднакво да се развиваат.
Извор: agrotv.net
