Во координација со земјоделците и со сите чинители од секторот земјоделство, креиравме мерки, коишто ќе овозможат одржливо земјоделско производство, во овој период на глобална пандемија предизвикана од вирусот КОВИД19.
Со цел да им се овозможи на земјоделците прво да обезбедат приходи од продажба па потоа да платат закупнина за државното земјоделско земјиште, се продолжи рокот за плаќање на годишната закупнина за државно земјоделско земјиште за 2019 до 12-ти ноември 2020 година. До истиот рок, нема да се врши еднострано раскинување на договорите за закуп на земјоделско земјиште заради неплатена годишна закупнина.
