Денеска во просториите на Министерството за земјоделство, шумарство и водостопанство се одржа обука која ја подготви одделението за органско производство, сектор земјоделство со поддршка на групата за регионален рурален развој SWG (Regional Rural Development Standing Working Group).
На обуката беа претставени новитетите во органското земјоделско производство, регулативата на Европската Унија 2018/848, со детален преглед на структурата, делегирачките и имплементирачките акти, се зборуваше на тема контрола и сертификација како и за пристапите засновани на оценка и ризик.
Органското производство на храна е тренд, кога одбираме здрава храна помагаме да не бидат загадени почвата и водите. Преку органскиот начин на производство, одржливи и стабилни се екосистемите преку минимално загадување на животната средина.
Органското производство користи производи непријатели на штетниците и на болестите па дури и се користат некои видови на инсекти кои се корисни. Преку органскиот систем се води исклучителна грижа за животните. Иако се вбројува во поновите системи органското земјоделство, всушност претставува најстариот земјоделски модел во светот.
