Министерството за земјоделство шумарство и водостопанство со став за обвинувањата на Сојузот на одгледувачи на овци- обезбедените 500.000 дози вакцини против сипаници кај овците и козите, како донација од Република Турција, остануваат дел од подготвениот институционален одговор за можна вакцинација.
Министерството за земјоделство, шумарство и водостопанство и Агенцијата за храна и ветеринарство се во непосредна координација со турската страна, а јавноста ќе биде информирана откако ќе бидат спроведени сите неопходни процедури и постапки за нивна испорака.
Истовремено, мерките кои се спроведуваат за сузбивање на сипаниците кај овците и козите даваат резултат, односно бројот на жариштата е намален од 30 на 11, но притоа институционалната внимателност останува и понатаму на највисоко ниво – ова е одговорот на Министерството за земјоделство шумарство и водостопанство за обвинувањата на Сојузот на одгледувачи на овци.
