Мапирањата на проектот „Произведи, рециклирај, употреби, повторно употреби “на ЕД Еколошкото друштво Еко-Живот Кавадарци, финансиран од ЕУ преку проектот Енв нет го факторизира портфолиото за животната средина на ЕУ за Западен Балкан и Турција со што се покажа дека многу од дивите депонии на теренот се депонии од пакувања од пестициди за кои нaшите земјоделци ниту имат знаење ниту свест ниту пак се казнувани за да не ги создаваат.
Според податоците на ЕД Еко –Живот Кавадарци во рамки на овој проект на регионот на оптшините Кавадарци, Неготино и Росоман мапирани се над 23 депонии кои имаат негативно влијание врз биодиверзитетот, човековото здравје како и врз подземните води. Огромни количини смет се фрлаат, од органски отпад, хартија, градежни материјали и кутии од пестициди а во нивна непосредна близина се одгледуваат земјоделски култури.
Според претседателот на екологистите од Кавадарци, Роберто Паризов земјоделците мораат да знаат дека со ова вршат сериозно нагрдување врз животната средина и дека имаат обврска амбалажата од заштитните средстав кои ги употребуваат во третирањето на виновата лоза, овошките и градинарските култури да ја носат на соодветни локации за тоа и да не се фрла каде ќе се стигне покрај реки, ниви, лозови насади, овоштарници и други насади со земјоделски култури.
Поголемиот дел од домаќинствата во Тиквешијата се занимаваат со земјоделска дејност, кое опфаќа пласман на грозје, овошни култури, градинарски како и млеко и млечни производи и месо. Но за да може да се конкурира со квалитетен производ неопходно е поголема едукација и обука на земјоделските производители за одговорност при одржување на еколошки чиста средина.
– Празната амбалажа од средствата за заштита на растенијата не се гори, не се закопува во почва и не се фрла заедно со друг отпад затоа се потсетуваат земјоделците на поголема свесност и дека овој отпад го загрозува здравјето на сите нас, зашто во директен допир со човекот може да предизвикаат сериозни последици а самото вдишување на вакви хемикалии може да создаде трајни последици по органите за дишење, сметаат екологистите.
Паризов порача до надлежните да се изработи посебна стратегија за справување со ОТПАДОТ, за подигање на свеста кај граѓаните, и подигање на ажурноста на институциите кои се надлежни за соодветниот домен.
