Меѓународниот монетарен фонд денеска соопшти дека повлекувањето на Русија од Црноморскиот договор за извоз на жито ги влошува изгледите за глобалната безбедност на храната и ризикува да ја зголеми инфлацијата на храната, особено во земјите со ниски приходи.
ММФ ќе продолжи внимателно да ги следи тековните случувања во регионот и нивното влијание врз глобалната несигурност на храната, пренесува Ројтерс.
„Прекинот на иницијативата за жито влијае на снабдувањето со храна на земјите кои во голема мера се потпираат на увозот од Украина, особено во Северна Африка, Блискиот Исток и Јужна Азија“, објави ММФ.
