Градоначалникот на Валандово, Перо Костадинов денеска ја посети компанијата “Вардарец” во сопственост на фамилијата Кавазови од Удово.
За нив може да се каже дека се „локални херои“ кои помагаат во развојот на нивната средина.
Млекарата “Вардарец”, е еден од позитивните примери за успешна бизнис приказна во општина Валандово. Ова компанија, се занимава со откуп и преработка на млеко и со производство на млечни производи. Истата, пласира неколку сопствени призводи во прехрамбените маркети низ цела држава.
Компанијата е во сопственост на фамилијата Кавазови од Удово и истата бележи традиција од 25 години. “Вардарец”, со сопствен пример покажува дека е важно да се почитуваат принципите коишто основачите на млекарата ги поставиле уште на самиот почеток, односно да се откупува квалитетно млеко и да се произведуваат природни млечни производи по највисоки стандарди.
Деновиве, ова компанија започна со работа во новиот производствен погон кој се наоѓа во индустриската зона во Јосифово. Новиот објект е со најсовремен вид на технолошка опременост и зголемена капацитетност на производство за повеќе од 400 %.
Во “Вардарец”, работат над 20 работници и истата има долгогодишна соработка со кооперанти од општината и регионот. “Вардарец”, е пример во заедницата кој поттикнува на развој, и истиот треба да се следи.
Фејсбук статус на Перо Костадинов – Градоначалник на Валандово
