Од денеска започна пријавувањето на лозарите за дополнителните 2 денари за предадено грозје во винарските визби. Од подрачната единица на МЗШВ во Кавадарци ги повикуваат лозарите да дојдат и да донесат потврда за предаденото грозје.
Изјава на Митко Керов – раководител на ПЕ на МЗШВ во Кавадарци:
Најпрво сакам да ве информирам дека и оваа година Владата на Република Северна Македонија, донесе дополнителна мерка за предадено грозје во преработувачки капацитети. Висината на оваа мерка изнесува 2 денара по килограм предадено грозје.
Ве информираме дека започна аплицирањето на дополнителната мерка предадено грозје во преработувачки капацитети за следните сортите вранец, смедеревка, картошија, станушина, црн бургундец, жилавка и кадарка и ќе трае до 25.12.2019 година.
За вас, земјоделците потребно ви е да доставите потврда од предаденото грозје.
Потврдата слободно може да ја подигнете од секоја Винарска визба каде што имате предадено грозје или пак регистриран откупен центар.
Посебен апел упатувам до сите винарски визби и до сите регистрирани откупни центри, во најбрз може рок да им се предадат потврдите на сите земјоделци се со цел навремено нивно аплицирање до дадениот рок.
Самата потврда треба целосно и точно да е потполнета бидејки само како таква ќе се смета за точна при поднесувањето на вашето барање. Секоја непотполента потврда или потрвда без штембил и печат ќе се смета за невалидна и не ќе може да се искористи како доказ за поднесувањето на дополнителната мерка
Аплицирањето се врши во подрачната единица Кавадарци при министерството за земјоделство, шумарство и водостопанство секој работен ден од 8 часот до 16 часот.
.
