На средбата со Сојузот на тутунарски здруженија, Иницијативниот одбор на незадоволни тутунари и претставници на откупните компании, постигнавме заеднички договор за прекин на протестите. Сите откупни пунктови да се отворат согласно законскиот рок 15. декември. Тутунопроизводителите да продолжат да го носат тутунот.
Државниот инспекторат за земјоделство, да биде присутен со засилени контроли, инспекторите да го следат откупот и законски да постапуваат за сите евидентирани нерегуларности.
Тутунопроизводителите кои ќе бидат незадоволни од проценетата класа на тутун, слободно да се повикаат на второстепена комисија.
До 10. декември оваа година, откупено е само 1.6 % од договорената количина тутун, што претставува многу мал процент, споредено со истиот овој период лани кога биле откупени 40%.
Ги повикувам на трпение и доверба сите учесници во процесот. За следниот петок закажавме заеднички состанок во Прилеп за да се направи проценка дали е постигнато подобрување во откупниот процес на тутун од годинешната реколта.
Фејсбук статус на Арјанит Хоџа – министер за земјоделство, шумарство и водостопанство
