Најголемиот меѓународен саем за пчеларство во Бугарија ќе започне на 6 февруари во Плевен, објави регионалната канцеларија на домаќинот на настанот. Во него ќе се вклучат 135 компании од 20 земји.
Овој традиционален настан во Плевен ќе биде домаќин на сопствениците и претставниците на 135 компании од 20 земји, објавија организаторите .
Илјадници пчелари се очекува да го посетат овој настан, пишува кој ќе трае до 9 февруари 2020 година, и ќе се одржи во деловниот комплекс „Манија Тауер“. Саемот се одржува во соработка со Министерството за земјоделство и храна и Регионалниот пчеларски сојуз.
За време на настанот, ќе може да се купи се што е потребно за пчеларство, ќе има штандови со пчелни производи и богата програма со организирани предавања каде ќе се презентираат најновите случувања во пчеларството. Гостите од Италија, Србија и Бугарија ќе се вклучат со свои предавања. Предвидени се панел-дискусии посветени на био-пчеларството, загадувачите и новите технологии. Исто така ќе се одржи работна средба за формирање Организација на производители во Бугарија.
Регионот Плевен произведува околу 1.500 тони мед годишно или 10% од вкупното производство на мед во Бугарија, што го става на третото место во земјата. Во оваа област има 1 200 регистрирани пчелари и 50.000 пчелни семејства. Треба да се потенцира дека, приносите на мед се преполовени годинава поради лошите временски услови минатата пролет.
