Николовски: Главна цел ни е да достигнеме нови 2.000 регистрирани мали производители на храна и да го развиеме уште повеќе концептот за продажба од праг или фарма

Нашата цел е да креираме 2000 нови мали производители на храна, коишто ќе ги искористат поволностите од 2019 година да може да се регистрираат и да продаваат традиционални локални производи, да продаваат од праг и од фарма и да добијат грантови, истакна министерот за земјоделство, шумарство и водостопанство Љупчо Николовски.

„2023 е година на нов модел на субвенционирања во земјоделството, година на нови програми и година на нови можности во земјоделството, особено за она што ние го работиме, а тоа е како да го задржиме, одржиме и зголемиме домашното производство во земјоделството. Успехот во програмата за мали винарии, успехот на програмата за школски шеми минатата година беше поттик да креираме оваа година и програма за мали дестилерии со програмата од 5000 евра и програма за мали производители на храна која што ќе биде презентирана денеска и која што ги таргетира младите, жените и малите производители во рурални средини. Оние коишто произведуваат македонски производи од животинско и неживотинско потекло со цел првпат да добијат грант од 10.000 евра за развој, зголемување на производството, брендирање на производите и клучно остварување на нашата цел, а тоа е создавање и креирање на што повеќе финални производи кои ќе се продаваат од праг и од фарма“, рече Николовски презентација на новите мерки за поддршка на малите производители на храна и пијалаци.

Како да се регистрирате за продажба на месо и преработки од месо од куќен праг, услов за аплицирање за неповратни 10.000 евра од државата

Тој информира дека Министерството во следните два месеци, на средби со земјоделците не терен ќе ги промовира новите модели, можности, грантови и мерки во земјоделството. Нашата цел, рече Николовски, е да се потпреме на малите производители и да ги рашириме овие успеси од постоечките програми и во новите програми и мерки коишто ги презентираме.

„Клучно во оваа 2023-та е да се фокусираме на најголемите можности коишто ни ги дава ИПАРД 3 Програмата за која што сме лидери во регионот, пример во регионот како треба да се искористат европските средства, да се вградат во македонското земјоделство и во следните години да ги дадат шансите, можностите, резултатите и успесите за зголемување на домашното производство и модернизација на македонскиот аграр“, рече Николовски.

Николовски изрази голема благодарност до Increasing Market Employability – IME и Швајцарската агенција, за поддршката за промоција на Програмата за финансирање на земјоделските производители на храна.

Како да се регистрирате за продажба на млеко и производи од млеко од куќен праг, услов за аплицирање за грант од 10.000 евра