Лозовиот насад потребно е да се одржува и во фаза на мирување на виновата лоза

Во лозовиот насад потребно е да се направи агрохемиска анализа на земјиштето секои 3-4 години.

Обработка и одржување на лозовиот насад во фаза на мирување на виновата лоза

После бербата на лозјето во периодот од ноември до декември се извршуваат мерки кои директно влијаат на родот следната година. По важноста може да се истакне дека најважни се : есенската длабока обработка на земјиштето, есенското ѓубрење, заштита на стеблото од ниски температури и кроење на виновата лоза.

За поправање на физичките и хемиските особини и поправка на водено воздушниот режим на земјиштето како и уништување на штетните треви и штетници се изведува есенска длабока обработка на земјиштето. Оптимално време би било после престанок на движењето на соковите во стеблото а пред појава на зимски мразеви. Коренот на виновата лоза се развива длабоко и благодарение на тоа, таа успева на разни видови на земјиште.

На суви земјишта кореновиот систем е на поголеми длабочини, па се препорачува длабока обработка на земјиштето (20-25 см), спротивно на тоа каде има повеќе влага, плитка обработка (15-20 см).

Со растресување на подлабоките слоеви се сече коренот на виновата лоза и така се забрзува неговото разгранување и моќта на впивање. Во зависност од конфигурацијата на теренот и можностите во насадите со винова лоза длабоката обработка може да се изведе со разни плугови.

Лозјето да се ѓубри после резултатите од агрохемиската анализа на земјиштето. Насадите со винова лоза во редовното производство бараат редовна и правилна исхрана.

Би би подобро да се обработи агрохемиската анализа на земјиштето секои 3-4 години, која ќе ни даде сигурни податоци за плодноста на земјиштето. Со редовно ѓубрење ќе се надокнадат органските и минералните ѓубрива кои недостасуваат.

Од органски ѓубрива се употребува компост,тресет,арско и зелено ѓубриво.

За подобра содржина на хумус за еден отсто на длабочина до 30 см , неопходно е со мелиоративно ѓубрење да се внесе барем 40-60 ѓубре по хектар. Во зависност од начинот на примена на ѓубривото може да се изведе во дупки или на целата површина на земјиштето во лозовиот насад ,после што се врши затрупување и заорување со плугови. Во пракса се покажало дека се погодни минералните ѓубрива кои ги карактеризира лесна растворливост, пристапност до растението и висока концентрација.

За есенско ѓубрење погодни се ѓубрива со однос 1: 2: 3 кои се употребуваат во есен и пролет пред почеток на вегетацијата, пред длабока обработка на земјиштето.