Холандстката фабрика HillFresh на европскиот пазар пласира нова сорта на дињи со назив лимелон која е донесена од Азија. Ова овошје кое изгледа како диња и има голема содржина на шеќер, но и покрај тоа не е многу благо бидејќи е комбинација од диња и кеселата лимета. Исто така и неговото име комбинација од два англиски збора-лиме (лимета) и мелон (диња).
Имено за време на еден од најголемите земјоделски саеми во светот Fruit logistice, холандската фабрика потпиша договор со тајванската куќа Known You Seed која се занимава со продажба на семе од ова овошје на европскиот пазар. Поради својот необичен вкус се покажа како одличн додаток на постоечкиот асортиман на европските пазари.
Добри реакции на купувачите и одличен рок на траење
„Минатата година оваа сорта на овошје прв пат ја одгледувавме во Шпанија и реакциите на нашите купувачи беа толку добри, па решивме одгледувањето да го зголемиме три пати, а тоа значи дека ова лето ќе имаме на располагање поголеми количини за продажба. Наскоро на пазарот ќе се најдат и првите примероци од ова овошје.“ вели Geerten van Luttkhuizen, директор на фабриката HillFresh.
Ова е многу благо овошје, но истовремено неговата свежина дава целосно различен вкус од оној на дињата. Претставува богат извор на бетакаротен и моќен антиоксиданс што многу добро делува врз здравјето на луѓето. Освен тоа оваа комбинација покажала дека има одличен рок на траење од 4 недели што е дупло повеќе од рокот на траење на дињите. Стручњаците велат дека традиционалното овошје понекогаш им станува „досадно“ на потрошувачите и често се одлучуваат за овошје со побогат вкус.
„ Во последната година на пазарот се претставени неколку сорти на дињи, но тие не се разликуваа многу од постоечките. Лимелон има поинакув вкус и очекувам дека ќе помогне сите сорти на дињи да се издигнат на повисоко ниво“ заклучи Hans van den Heuvel, менаџер на фабриката HillFresh.
Извор: Агроклуб
